PRESIDER: By self-denial we take up the cross each day, walking in the footsteps of our Master. Let us pray for others, and so cast off the selfishness which keeps us apart from God.
>>> Put i ta punen mamaisa i minalago’-ta na ta kakatga i kilu’us kada dia, ya ta dalalalaki i pinakkat i Ma’estro-ta. Nihi ya ta tayuyuti otro taotao siha kosa ki basta hit manchattao ni muna’fanchachago’ hit ginen as Yu’us.
1. For our Pope and all Bishops, who carry the cross of pastoral care and responsibility, we pray.
>>> Para i Santo Papa, yan i Manubispo siha, ni makakatga i kilu’os-niha gi che’cho’-niha yan responsabilidat-niha komu mampastot, ta fanmanayuyot.
2. For world leaders who are involved in conflicts that they come to a peaceful and just solution to their problems, we pray.
>>> Para i manma’gas i tano’ ni manasaonao gi probleman i tano’ siha, para u masodda’ i pas yan i hustisia gi probleman-niha, ta fanmanayuyot .
3. For dry souls thirsting for God, we pray.
>>> Para i mananglo’ na ante siha ni manmama’ho as Yu’us, ta fanmanayuyot.
4. For our community on this Labor Day weekend, that our talents and labors reap a rich harvest, we pray.
>>> Para i taotao-ta pa’go guini gi simanan Labor Day, kosa ki u meggai kosecha ginen i che’cho’-ta yan talento-ta, ta fanmanayuyot.
5. For the people of Houston, Texas especially those who are injured and the homeless who are suffering from the destruction of Hurricane Harvey, that we may be generous to the victims, we pray.
>>> Para i taotao Houston, Texas espesiatmente i manchetnudan yan i manmayulang gima’-ñiha ni manmasasa’pet ginen i Hurricane Harvey, puedi u ta fangeftao manmanayuda ni taotao siha ni maninefekta, ta fanmanayuyot.
6. For all the sick and for people who have much pain but little hope, that they find someone to care for them, we pray.
>>> Para todu i manmalangu yan i taotao ni bula pinadesen-niniha ya kadada’ i inangokkon-niha, kosa ki u masodda’ hayi para u faninasiste, ta fanmanayuyot .
7. For the dead who desired to save their souls, we pray.
>>> Para i manmatai ni hagas madeseha na u masatba i anten-niha, ta fanmanayuyot.
PRESIDER: Father of our Lord Jesus Christ, receive the prayers of a pilgrim People, seeking to discover your will, by walking in the footsteps of your Son, who lives and reigns forever and ever. Amen.
>>> Tatan i Sainan-mami as Jesukristo, risibi i tinayuyot i mambiabiahi na taotao, ni umespipiha para u matungo’ i minalago’-mu, ginen i madalalaken i pinekkat i Lahi-mu, ni lala’la’ yan mangobiebietna para todu i tiempo. Amen.